gan
Lowri Jones
Mewn blwyddyn lle mae golygon cymaint ohonom wedi troi at ein milltir sgwâr, rydym wedi gweld cynnydd anhygoel yn y defnydd o’r gwefannau bro. Mae’r 7 gwasanaeth lleol-iawn wedi bod yn ffynhonnell amhrisiadwy o straeon, gwybodaeth a difyrrwch i gymaint o bobol eleni. Maent hefyd wedi bod yn gofnod o sut fu bywyd pobol a’n cymunedau yn ystod un o’r blynyddoedd mwyaf rhyfedd mewn cof.
Er gwaetha’r Covid – y canslo a’r diffyg dod ynghyd arferol – cyhoeddwyd dros 1230 o straeon bro yn 2020, ac erbyn hyn mae dros 430 o bobol leol wedi cyhoeddi stori ar eu platfform lleol.
I ddathlu hynny, bydd Bro360 yn cynnal seremoni wobrwyo ym mis Ionawr, lle byddwn yn cyhoeddi eich hoff straeon chi ar bob gwefan fro!
Rhestr fer BroWyddfa360
Dyma’r 6 stori fwyaf poblogaidd (yn ôl yr ystadegau) ar BroWyddfa360 eleni. Porwch trwyddynt, a phleidleisiwch trwy bwyso’r botwm ’diolch’ ar waelod eich hoff stori.
- 6 mis o Covid a gofid – Elin Aaron
6 Mis o Covid a Gofid
Y profiad a’r heriau a wynebodd bwyty yn Llanberis yn ystod y cyfnod clo.
- Cyfweliad â Dr Esyllt Llwyd – Gwernan Brooks
- Cyffro ailddechrau band wedi i Covid dawelu Deiniolen – Nel Pennant Jones
Cyffro ailddechrau band wedi i Cofid dawelu Deiniolen
Dafydd Twins sy’n trafod tristwch y cyfnod clo – a’i hapusrwydd wrth i seindorf gyfarfod unwaith eto
- Chweched dosbarth Ysgol Brynrefail dan fygythiad – Mared Roberts/Eco’r Wyddfa
Chweched Dosbarth Ysgol Brynrefail dan fygythiad
Dyma erthygl o Eco’r Wyddfa, Rhifyn y Gaeaf sydd ar werth mewn siopau lleol ar 18 Rhagfyr.
- Eisteddfod Ysgol Brynrefail yn cael ei ganslo – Nel Pennant Jones
Eisteddfod Ysgol Brynrefail yn cael ei ganslo
Siom i ddisgyblion wrth i’r ysgol ganslo prif ddigwyddiad y flwyddyn
- Enwau lleoedd: Caeathro a Cwm y Glo – Glenda Carr / Eco’r Wyddfa
Felly, dyna’r 6 ddaeth i’r brig o ran yr ystadegau. Ond pa un sy’n dod i’r brig i chi?
Pleidleisiwch, trwy…
- mewngofnodi neu ymuno â’r wefan hon (creu cyfrif)
- mynd i’ch hoff stori
- pwyso’r botwm ’diolch’ ar waelod y stori honno
Bydd eich hoff stori ar BroWyddfa360 yn cael ei chyhoeddi mewn seremoni wobrwyo arbennig ddiwedd mis Ionawr.