Rydych chi wedi clywed mae’n siwr am Ble mae Boc? neu Where’s Wally? – dyma eich cyfle i greu cymeriad tebyg ar gyfer Eco’r Wyddfa i chwilio amdano rhwng y straeon pan fydd y papur yn dychwelyd i brint.
Beth am roi cynnig ar greu y cymeriad i ni? Hwyrach y bydd chwedloniaeth neu hanes yr ardal yn eich ysbrydoli, efallai y bydd byd natur yn sbardun… Neu beth am greu anghenfil fflwfflyd doniol?
Rydan ni’n chwilio am gymeriad sy’n codi gwên y bydd darllenwyr Eco’r Wyddfa yn edrych ymlaen at chwilio amdano rhwng y tudalennau o fis i fis.
Rhowch gynnig arni! Y cyfan rydan ni ei angen ydi:
1. Llun o’r cymeriad
2. Enw’r cymeriad
3. Ffaith ddiddorol neu ddoniol am y cymeriad
4. Enw a manylion cyswllt yr artist
Anfonwch eich cynigion at: ecorwyddfa@gmail.com NEU postiwch nhw ar ein tudalen Facebook i greu oriel hapus.
Agored i Bawb o Fro’r Eco, yn blant neu oedolion – ewch ati!
Gwobr: Clod, bri ac enwogrwydd drwy’r fro
Dyddiad cau: 8 Mai, 2020
Beirniad: Gwyndaf Rowlands ac Elan Rhys
Fe fydd Gwyndaf yn datblygu’r cymeriad sy’n ennill i fod yn ddelwedd ddigidol addas i’w gynnwys yn y papur.
Hefyd, mae criw newydd o olygyddion wrth y llyw yn Eco’r Wyddfa, fe fyddem ni wrth ein boddau yn clywed gennych chi gyda syniadau am erthygl neu eitem.
